Inilunsad ng Pilipinas at ng Morocco ang joint commemorative stamps tampok ang ika-50 taong anibersaryo ng diplomatikong relasyon sa pagitan ng dalawang bansa tampok ang magara at prestihiyosong architectural design ng Philippines’ Mactan-Cebu at Marrakech-Menara Airport ng Morocco.
Tampok sa selyo ang magarang istilo ng architecture design ng Mactan-Cebu International Airport Terminal 2 (MCIA T2) na mayroong “wave-like roof structure” na hango sa tradisyunal na Filipino “Bangka”, na sinusuportahan ng mga malalaking kahoy o glulam wood arches.
Tulad ng Mactan-Cebu International Airport, ang Marrakech-Menara Airport ay nagpapakita ng pinaghalong modernong disenyo na ginamitan ng tradisyunal na elemento tulad ng Islamic arabesques at “high sweeping roof”.
Ang proyektong ito ay selebrasyon ng malalim na pakikipag-kaibigan at ugnayan ng PHLPost at Morrocan Post sa aspeto ng pagpapaunlad ng kultura at diplomatikong relasyon ng dalawang bansa na patuloy pang palalakasin sa mga darating na panahon.
